تجلی هویت مردم لک در شعری لکی

یاران اتحاد ، یاران اتحاد

میرات کاسی ها مچو وَ باد

یه بِری ارا یَه که تُر بوژِن

دائم تفرقه لک ئو لُر موژن

وِلات مَزونن بیه تا بیه

افتخار لر شِعر لکیه

تاج لرستان ولات لکه

لکی ، لریهَ کُلی چوی یَکَه

هر زونی بوشی چن شاخه دیری

میوه رنگارنگ ای باخه دیری

یاران اتحاد یاران اتحاد

میرات کاسی تا نچو وَ باد

یاران اشاره، یاران اشاره

بیلا تا بوشم یَک ئَژ هِزاره

دَنگِ اَهریمن هتی وَ گوشِم

راز لَکِستان ارینتو بوشم

فرقه لکستان کار اهریمَنه

تفرقه لُرئیل کار دُشمَنه

ئَرا تفرقه نفوذی دیری

هزار مَلِ مورِ موذی دیری

هر ئَرِه یَه که تفرقه باوژن

بحث ِ جِگایی لک ئو لر ماوژن

وِلات تا وِلات کُلَه مَزونِن

لَکی ، لریه ، یِه تَن یِه گیونِن

نفوذی دشمن کل هدف دارن

سرزمین لُرئیل مِ وَ کَف بارن

مِنئی تفرقه قوم لُر مَه کَن

وِه مَکر ئو حیله مِنئی تُر مَه کَن

دما تفرقه لک ئو مینجایی

حیله تِر مارن ئرا جگایی

ئی گِلَه موشِن خُرماوئه لُره

ایره وروگرد یا سیلاخُره

یه الیگودرز ئَوَه ازنا بی

وروگردی نه ، درود از ما بی

شرو کردن وَ تفرقه سازی

مردم بِردن وَ طایفه بازی

دانه ئوژتنه دامَه مَه کارن

وِلات لرستان مِ وَ دَس بارن

هَلپرگَه هات ئو دوپا سه پا چی

قدم وَ قدم ویر ئر دما چی

دنگِ بِزران وَ گوشا نیئه

هِی بِئنا بِئنا خاموشا بیئه

کالَه بَی کاله ئو برزی برزیئه

شانه شَکی ئو گیانم لرزیئه

وِلات لرستان کِردن نشانه

یَسَه هَتِنه خانه به خانه

دَنگ سازنه مو لیلا گیانِمَه

وَ جای بِزران مینا خانِمه

یاران کل وَ هوش یاران کل وَ هوش

سازِ تفرقه ها مَه یو وَ گوش